Allir þurfa að velja vörsluaðila fyrir séreignarsparnað – hvort sem það er hefðbundin séreign eða tilgreind séreign. Valmöguleikarnir eru margir: íslenskir vörsluaðilar (lífeyrissjóðir og bankar) eða erlend tryggingafyrirtæki.

Í sumum tilvikum taka söluaðilar háar söluþóknanir sem geta numið hundruðum þúsunda króna fyrir hvern samning. Margir gera sér ekki grein fyrir þessum kostnaði við gerð samningsins. Hjá lífeyrissjóðum á Íslandi er ekki tekinn kostnaður af iðgjaldinu sem þú greiðir í sjóðinn og fer því allt sem þú greiðir beint í ávöxtun, kostnaðurinn endurspeglast í gengi hvers tíma.

Í stuttu máli

·       Hjá íslenskum vörsluaðila eins og okkur velur þú fjárfestingarleið og greiðslurnar þínar fara óskertar í ávöxtun hjá sjóðnum. Ekkert er dregið af því sem er lagt inn. 

·       Enginn binditími er hjá okkur og engin aukagjöld vegna breytinga – þú getur skipt um leið hvenær sem er og hætt að greiða án kostnaðar. Þú getur líka flutt inneign án kostnaðar.

·       Hjá erlendu tryggingafyrirtæki er algengt að þú undirritir tryggingasamning með skuldbindingu um greiðslur til lengri tíma. Yfirleitt eru upphafs- og rekstrarkostnaður sem þýðir að einungis hluti iðgjaldanna fer í ávöxtun og uppsögn eða flutningur getur verið verulega kostnaðarsamur.

Því minni gjöld → því meira heldur þú eftir til framtíðar. Bara meira fyrir þig.

Þegar þú velur Lífeyrissjóð verzlunarmanna 

• Þá velur þú fjárfestingarleið sem hentar þér 
• Þá velur þú engan binditíma og engin aukagjöld fyrir breytingar
• Allar greiðslur fara beint í ávöxtun hjá sjóðnum - ekki í gjöld
• Þá velur þú að geta breytt um ávöxtunarleið hvenær sem er og hætta að greiða án kostnaðar
• Þegar þú tekur út sparnaðinn getur það verið í einu lagi eða í nokkrum greiðslum – þú velur
• Þú hefur alltaf yfirsýn yfir stöðuna á Mínum síðum
• Ávöxtun er auðveldlega aðgengileg.
• Rekstrar- og viðskiptakostnaður endurspeglast í gengi fjárfestingarleiðar (ávöxtun) og kemur skýrt fram í lykilupplýsingaskjölum hverrar ávöxtunarleiðar.

Þegar þú velur erlent tryggingarfélag 

• Þá er algengt að þú veljir að skuldbinda þig með tryggingasamningi sem er yfirleitt til langs tíma, jafnvel margra áratuga. 
• Þú skuldbindur þig til að greiða ákveðna upphæð í ákveðinn tíma. 
• Upphafskostnaður er oft greiddur við samningsgerð og önnur regluleg gjöld út samningstímann sem eru dregin af greiðslunni, þannig að aðeins hluti þess sem þú borgar fer í ávöxtun. 
• Uppsögn, breytingar eða flutningur getur valdið töluverðum kostnaði.
• Tryggð endurgreiðsla iðgjalda sem þú hefur greitt er um 60-90%.  

Lífið breytist. Það er gott að hafa val og geta lagað sparnaðinn að aðstæðum. 

Hvernig vel ég?

Nokkur atriði fyrir þig að velta fyrir þér:

• Yfirsýn: Viltu geta fylgst með sparnaðinum þínum vaxa? 
• Kostnaður: Hversu mikið af peningunum þínum fer í gjöld? 
• Sveigjanleiki: Geturðu skipta um skoðun? Gætirðu breytt um ávöxtunarleið eða hætt greiðslum án kostnaðar? 
• Útgreiðsla: Viltu fá allt í einu (borga hæstu skatta) eða í mörgum greiðslum til að auka skattalega hagkvæmni?