Við bjóðum upp á fjölbreytt lán vegna kaupa á fasteignum og er lánað fyrir allt að 70% af kaupverði eignarinnar og er hámarkslán 95.000.000 kr.

Ef heildar lánsfjárhæð fer yfir 75.000.000 kr., þá má lánshæfismat ekki vera lægra en B1 og áætlað ráðstöfunarfé eftir lántöku má ekki vera lægra en kr. 180.000. Heildarupphæð áhvílandi lána, að meðtöldu nýju láni, má ekki fara yfir hámarkslán hjá sjóðnum.

Hægt er að velja um óverðtryggð og verðtryggð lán með jöfnum afborgunum eða jöfnum greiðslum. 

Verðtryggð lán eru með föstum vöxtum til 5 ára eða út lánstímann. Óverðtryggð lán geta verið með breytilegum vöxtum eða föstum vöxtum til 3 ára.

Fyrstu kaupendur

Fyrstu kaupendur geta fengið óverðtryggt viðbótarlán með allt að 85% veðsetningu. Lánið er með föstum vöxtum til 3 ára og er hámarks lánstími 25 ár.  

Athugaðu eftirfarandi:

• Með umsókn þarf að fylgja afrit af undirrituðu kauptilboði.
• Með umsókn fyrstu kaupenda þarf að fylgja undirrituð yfirlýsing vegna fyrstu kaupa á íbúðarhúsnæði sem nálgast má á vef Sýslumanns. 
• Ekki er lánað fyrir eign ef hún hefur ekki náð byggingarstigi 2.
• Ef ekki liggur fyrir brunabótamat þá þarf smíðatrygging að fylgja umsókn.

Hér er hægt að skoða kosti verðtryggðra lána og óverðtryggðra lána

Gott að hafa í huga

• Þoli ég að afborganir hækki umfram hækkun launa?
• Hvaða áhrif hefur hækkun verðbólgu á afborgun lána minna, höfuðstól og laun?
• Henta mér betur fastir eða breytilegir vextir?
• Henta mér betur verðtryggð eða óverðtryggð lán?
• Henta mér betur jafnar greiðslur eða jafnar afborganir?

Þú getur skoðað möguleika þína betur í lánareiknivél okkar. Hafðu samband við ráðgjafa okkar ef þú hefur spurningar.