Allir sjóðfélagar sem eiga innstæðu í Innlánsleið fá í lok september bréf með upplýsingum um sameiningu þessara fjárfestingarleiða ásamt upplýsingum um þær nýju fjárfestingarleiðir séreignar  sem kynntar voru á miðju ári 2017. Hinar nýju fjárfestingarleiðir eru Ævileið I, Ævileið II og Ævileið III.

Innstæður í Innlánsleið hafa að fullu verið ávaxtaðar hjá bönkum. Fjárfestingarstefna Ævileiðar III er sú varfærnasta af hinum nýju fjárfestingarleiðum. Í Ævileið III eru um 20% innstæðunnar ávöxtuð í innlánum (hjá bönkum) og um 80% í skuldabréfum.

Að fenginni reynslu má ætla að eignasamsetning Ævileiðar III skili að jafnaði heldur hærri ávöxtun en innlánsleið, með þeim fyrirvara þó að ávöxtun í fortíð tryggir ekki ávöxtun í framtíðinni. Á vef sjóðsins er að finna ítarlegar upplýsingar um allar hinar nýju fjárfestingarleiðir séreignar. 

Sjóðfélagar sem kjósa að ávaxta séreignarsparnað sinn í annarri fjárfestingarleið geta flutt innstæðu sína og framtíðariðgjöld sér að kostnaðarlausu.

Sjóðfélagar geta skoðað séreignarsparnað sinn hjá LV á sjóðfélagavefnum.