Við leitum að metnaðarfullum einstaklingum í sumarstörf á nokkrum sviðum sjóðsins. Störfin henta mjög vel fyrir einstaklinga í háskólanámi.

Við leitum af einstaklingum með jákvætt viðmót og ríka þjónustulund til að sinna ýmsum sumarstörfum hjá einum stærsta lífeyrissjóði landsins. Ef þú hefur áhuga á að vinna meðal sérfræðinga á sviði fjármála í umhverfi þar sem lögð er áhersla á liðsheild þar sem hver og einn nær að nýta hæfileika sína, tileinka sér nýja þekkingu og læra ný vinnubrögð þá er Lífeyrissjóður verzlunarmanna fyrir þig.

Hjá LV starfar 66 manna samhent liðsheild.  Við bjóðum upp á góða starfsaðstöðu og starfsumhverfi þar sem áhersla er meðal annars lögð á jafnrétti, ábyrgð og umhyggju. 

• Æskilegt er að sumarstarfsfólk geti unnið frá maí/júní og út ágúst.
• Óskað er eftir að ferilskrá fylgi umsókn með tölvupósti til starf@live.is
• Æskilegt er að umsóknir berist fyrir 15. mars 

Helstu deildir: 

• Ráðgjöf og þjónusta
• Fjármálasvið
• Skráning iðgjalda
• Lánadeild
• Upplýsingatæknisvið 

Við leitum að traustum samstarfsaðila til starfa á lögfræðisviði sjóðsins við úrlausn fjölbreyttra verkefna m.a. tengdum samningum, innri reglum, stjórnarháttum og lögfræðilegri ráðgjöf. Hlutverkið styður við góðan rekstur, vandaða málsmeðferð og trausta starfsemi sjóðsins.

Helstu verkefni

• Lögfræðileg ráðgjöf til innri viðskiptavina sjóðsins
• Greiningar- og undirbúningsvinna tengd viðfangsefnum lögfræðisviðs
• Þjónusta við samningsgerð sjóðsins
• Gerð minnisblaða, álitsgerða og fundargerða
• Þátttaka í mótun og viðhaldi innri reglna og verkferla
• Ýmis tengd þjónusta við önnur svið sjóðsins

Við leitum sérstaklega að einstaklingi sem

• Skrifar skýran hnitmiðaðan og vel rökstuddan texta
• Vinnur af nákvæmni og fylgir verklagi og gæðakröfum
• Er traustur og lipur starfsfélagi
• Sýnir heilindi, trúnað og fagmennsku
• Er tilbúinn í að sinna fjölbreyttum verkefnum sem geta tekið breytingum í takt við þarfir sjóðsins hverju sinni

Æskilegt

• Góð tækni- og kerfishæfni sem varða störf lögfræðisviðs
• Góð færni í gagnaleit, greiningu og áhugi á að fylgjast með regluverki og þróun

Menntun reynsla og hæfni

• Meistarapróf/ embættispróf í lögfræði
• Að lágmarki þriggja ára starfsreynsla
• Haldgóð reynsla sem styður við helstu verkefni
• Bein reynsla af störfum hjá lífeyrissjóðum eða fjármálafyrirtækjum er ekki skilyrði. Hins vegar er haldbær þekking og reynsla af viðfangsefnum sem varða starfsemi sjóðsins mikilvæg, til að mynda almannatryggingar, lífeyrislöggjöf, félagaréttur, verðbréfaréttur, samninga- og kröfuréttur, neytendaréttur eða stjórnsýsluréttur.

Nánari upplýsingar og umsóknir

Sótt er um á vef Hagvangs fyrir 4.febrúar. Nánari upplýsingar veitir Sverrir Briem hjá Hagvangi – sverrir@hagvangur.is

Sérfræðingur á fjármálasviði

Við leitum að metnaðarfullum einstaklingi með þekkingu, frumkvæði og áhuga á miðvinnslu til þess að starfa á fjarmálasviði fyrirtækisins. 

Um er að ræða fjölbreytt og spennandi starf fyrir aðila sem hefur áhuga og góðan skilning á fjármálum, bankasamskiptum og bakvinnslu, og jafnframt gott með að tileinka sér nýjungar og umbótahugsun.

Helstu verkefni:  

• Dagleg skráning og frágangur verðbréfaviðskipta.
• Samskipti við innlenda og erlenda vörsluaðila sjóðsins.
• Utanumhald eignasafna í samstarfi við eignastýringu.
• Afstemmingar og undirbúningur fyrir uppgjör.
• Þátttaka í ýmsum umbótaverkefnum.
• Staðgengill fjármálastjóra.
• Önnur tilfallandi verkefni.

Hæfniskröfur

• Háskólamenntun sem nýtist í starfi
• Haldgóð starfsreynsla af miðvinnslu á fjármálamarkaði
• Reynsla af reikningshaldi og skýrslugerð
• Við leitum að tæknilega sterkum einstaklingi
• Skipulögð og vönduð vinnubrögð
• Frumkvæði, drifkraftur og metnaður.
• Tölugleggni, nákvæmni, sjálfstæði og öguð vinnubrögð.
• Hæfni í mannlegum samskiptum og fagleg framkoma.

Umsóknarfrestur er til og með 2. febrúar

Sótt er um starfið á www.vinnvinn.is

Umsókn skal fylgja ferilskrá og ítarlegt kynningarbréf á íslensku þar sem gerð er grein fyrir ástæðu umsóknar og rökstuðningur um hæfni þína til að gegna starfinu.

Nánari upplýsingar veita Garðar Ó. Ágústsson, (gardar@vinnvinn.is) og Jensína K. Böðvarsdóttir, (jensina@vinnvinn.is) hjá Vinnvinn.